પંચમહાલ,તા.૧૭
ઔદ્યોગિક તાલીમ સંસ્થા ગોધરા ખાતે, આઇ.ટી.આઇ ગોધરા અને આઇ.ટી.આઇ ગોધરા(મહિલા)ના આચાર્ય દ્વારા વિશ્વકર્મા જયંતિ નિમિત્તે તાલીમાર્થીઓના પ્રથમ કૌશલ દીક્ષાંત સમારોહનું આયોજન કરવામાં આવ્યું હતું. આ સમારોહમાં ગોધરાના ધારાસભ્ય સી.કે.રાઉલજી, જિલ્લા પંચાયત પંચમહાલના પ્રમુખ કુ. કામિનીબેન સોલંકી તેમજ ભૂતપૂર્વ તાલીમાર્થીની સાથે સાથે ભૂતપૂર્વ કર્મચારીઓ ઉપસ્થિત રહ્યા હતા. આ દીક્ષાંત સમારોહમાં પ્રથમ, દ્વિતીય અને તૃતીય સ્થાન પ્રાપ્ત કર્યુ હોય તેવા કુલ ૬૩ તાલીમાર્થીઓને મહેમાનોના વરદ હસ્તે પદવીદાન કરવામાં આવ્યું હતું. આ પ્રસંગે ધારાસભ્ય સી.કે.રાઉલજી અને જિલ્લા પંચાયત પ્રમુખ કુ. કામિનીબેન સોલંકી તેમજ ભૂતપૂર્વ તાલીમાર્થી દ્વારા પ્રેરક સંબોધન કરીને માહિતી અપાઈ હતી. આ સાથે કાર્યક્રમના અંતે વર્ચ્યુઅલ માધ્યમથી પ્રધાનમંત્રી દ્વારા ખૂબ પ્રેરક માર્ગદર્શન મેળવ્યું હતું.